Oncolegydd Clinigol Ymgynghorol yng Ngwasanaeth Canser Felindre sy’n arbenigo mewn canser yr ysgyfaint

Uwch Ddarlithydd Anrhydeddus Biowyddorau, Prifysgol Caerdydd

Graddiodd Dr Shaw o Ysgol Feddygol Prifysgol Lerpwl ac mae wedi gweithio yng Nghymru a Lloegr ar ôl cwblhau hyfforddiant arbenigol mewn Meddygaeth Liniarol yn Neoniaeth Rhydychen ac Oncoleg Glinigol yng Nghymru. Cafodd ei Ddoethuriaeth ei goruchwylio gan yr Athro Alan Clarke yn Sefydliad Celloedd Bonyn Canser Ewrop, lle enillodd arbenigedd mewn modelau canser a therapïau llygodol.

Is-arbenigodd Paul mewn rheoli malaenedd thorasig ac mae ganddo statws Uwch Ddarlithydd Anrhydeddus yn Ysgol y Biowyddorau, Prifysgol Caerdydd. Mae’n parhau i gefnogi myfyrwyr Doethuraidd ac MD ym Mhrifysgol Caerdydd.

Fel Prif Ymchwilydd gweithredol ar gyfer nifer o astudiaethau masnachol ac astudiaethau dan arweiniad ymchwilwyr, mae Paul yn arwain portffolio treialon yr ysgyfaint Felindre a’r llif gwaith radiotherapi cyffuriau yn yr Uned Treialon Cyfnod Cynnar. Ef yw’r Prif Ymchwilydd Cenedlaethol ar ddwy astudiaeth gyfredol a noddir gan BioNTech ac AbbVie. Mae Paul hefyd yn gyd-ymchwilydd ac yn arweinydd cangen astudio ar gyfer treial cyfnod cynnar CONCORDE, sef astudiaeth blatfform â phroffil uchel yn y DU a ariennir gan Ymchwil Canser y DU gyda chefnogaeth ar wahân o fewn y diwydiant gan AstraZeneca. Mae ei rolau eraill yn cynnwys y Prif Swyddog Gwyddonol ar gyfer astudiaeth pelydr proton HIT-Meso mewn mesothelioma plewrol gyda chydweithwyr o’r cyfleuster proton yn UCL, Llundain.