Ein Her
Mae gofal canser yn esblygu’n gyflym. Mae’r gallu i ddatblygu, treialu a defnyddio cyffuriau a therapïau newydd yn y GIG yn allweddol i sicrhau canlyniadau iechyd gwell i gleifion. Mae gweithio mewn partneriaeth rhwng y GIG a’r byd academaidd, a chyda diwydiant, yn hanfodol i ddatblygu a chyflwyno’r genhedlaeth nesaf o driniaethau canser.
Gyda’i phoblogaeth o 3 miliwn a’i system gofal iechyd integredig, mae Cymru mewn sefyllfa ddelfrydol i fod yn fainc brofi i ddiwydiant, cyllidwyr ymchwil ac elusennau sy’n awyddus i ddatblygu a defnyddio triniaethau canser newydd. Mae Partneriaeth Ymchwil Canser Caerdydd yn rhan allweddol o’r seilwaith ymchwil hwn, ac yn bwynt mynediad iddo.
Our Expert Clinicians and Researchers
Ein Timau Clinigol
Cardiff Cancer Research Partnership - Y partneriaid
Cardiff & Vale University Health Board
Cardiff & Vale University Health Board
Un o sefydliadau mwyaf y GIG yn y DU sy’n darparu gwasanaethau sylfaenol a chymunedol, gwasanaethau acíwt trwy Ysbyty Prifysgol Cymru a gwasanaethau trydyddol arbenigol ar gyfer poblogaeth ehangach Cymru.
Mae gan Fwrdd Iechyd Prifysgol Caerdydd a’r Fro enw da yn rhyngwladol am ymchwil glinigol arloesol, gan gynnwys ei ganolfan drydyddol ar gyfer trin Canser y Gwaed a phortffolio mawr o dreialon masnachol ac anfasnachol a chanolfan drawsblannu lefel 3.
Mae ymchwil wedi’i hymgorffori ar draws y Bwrdd Iechyd, ac mae ein gwaith gyda’r byd academaidd, sefydliadau masnachol, diwydiant a chanolfannau ymchwil eraill yn hanfodol ar gyfer gwella gofal iechyd.
Velindre University NHS Trust
Velindre University NHS Trust
Darparwr arbenigol y GIG sy’n darparu gwasanaethau oncoleg trydyddol anlawfeddygol i gleifion trwy Wasanaeth Canser Felindre a chanolfan ganser bwrpasol.
Mae Felindre yn cael ei chydnabod yn rhyngwladol am ei hymchwil arloesol, ei gwasanaethau cymhleth ac arbenigol iawn, ei thechnoleg o’r radd flaenaf, a’i staff clinigol ac anghlinigol medrus iawn. Ar hyn o bryd mae Felindre yn lletya ac yn noddi cymysgedd o astudiaethau masnachol ac anfasnachol ar draws ystod amrywiol o feysydd ymchwil.
Mae ein portffolio yn cynnwys treialon clinigol canser, astudiaethau ymchwil gofal lliniarol a gofal iechyd, ynghyd ag ymchwil i feddygaeth trallwyso gwaed a thrawsblannu yng Ngwasanaeth Gwaed Cymru.
Cardiff University
Cardiff University
Unig brifysgol Grŵp Russell Cymru sydd â phortffolio ymchwil ac arloesi canser amrywiol sy’n canolbwyntio ar gyflymu’r pontio o’r labordy i’r clinig.
Ym Mhrifysgol Caerdydd, mae gennym gryfderau mewn tiwmorau a’r amgylchedd, darganfod a chyflenwi cyffuriau, geneteg canser bersonol a threialon clinigol. Mae’r rhain wedi ein galluogi i gyflawni a chynnal cydnabyddiaeth fel arweinydd cenedlaethol a chystadleuydd byd-eang mewn ymchwil canser arloesol.
Mae ein portffolio ymchwil canser yn amrywiol, gan gwmpasu bioleg canser, darganfod cyffuriau, atal a diagnosis cynnar. Trwy gymhwyso ein harbenigedd a’n gwybodaeth ar draws disgyblaethau gwyddonol, ein nod yw gwella ein dealltwriaeth sylfaenol o ganser er mwyn gwella’r triniaethau ar gyfer cleifion â chanser.
Ein Cydweithwyr
Rydym hefyd yn gweithio gyda'r cydweithwyr canlynol, i ychwanegu eu harbenigedd a'u gallu at yr hyn a gynigiwn. Cliciwch ar y logos i ymweld â'u gwefannau.
