Astudiodd Dr Wilson Fioleg Foleciwlaidd a Chellog ym Mhrifysgol Caerfaddon yn wreiddiol, gyda blwyddyn o leoliad mewn labordy yn Sefydliad Garvan yn Sydney, cyn gweithio mewn labordy ymchwil yn Ysbyty John Radcliffe yn Rhydychen. Tra roedd yno, enillodd fwy o werthfawrogiad o gymwysiadau clinigol ymchwil drosi a gadawodd i astudio Meddygaeth ym Mhrifysgol Rhydychen gan raddio i ymgymryd â Rhaglen Sylfaen Academaidd (AFP) yn Brighton. Mae wedi bod â diddordeb mewn Oncoleg a Hematoleg erioed, ac wedi cyflawni swydd fel cymrawd clinigol yn y tîm Trawsblaniad Mêr Esgyrn yng Nghanolfan Hematoleg ac Oncoleg Bryste cyn ymuno â Chanolfan Ganser Felindre i astudio am Ddoethur mewn Meddygaeth (MD).

Mae prosiect MD Rob yn amgylchynu’r ymateb imiwnyddol i ganser y pen a’r gwddf, gan astudio ei ddeinameg, ac a ellir ei dargedu gan gyffuriau a therapïau.  Mae’r system imiwnedd yn chwarae rhan enfawr mewn canser yr ydym ond newydd ddechrau ei werthfawrogi, ac mae’r cysyniad o ddefnyddio hyn fel targed triniaeth posibl yn hynod gyffrous.